Hæ allir

Jæja nú rignir líka hjá okkur svo að ísland er ekki eina landið sem rignir á hahaha, en núna í dag og í gær er svona týpísk hitabylgju rigning en það er nú bara frískandi og gott fyrir gróðurinn

Í gær fór húsmóðirin í klippingu og litun og fannst henni það frekar ódýrt miðað við heima en þetta kostaði um 4000 islkr. Svo allir eru að verða fínir en bangsi fær sína hanteringu á morgun, það verða nú allir að vera fínir :0)

Allir eru kátir og hressir hér þrátt fyrir dropana en það lagast á morgun þá er spáð sól og hita aftur eins langt og spáin nær svo það lofar góðu í sumarfríinu okkar sem er í næstu viku

P.S. endilega reynið að muna að skrifa okkur línu í athugasemdir eða í gestabókina, það þarf ekki að vera langt :0) 

 

Góður Sunnudagur

Þetta er reyndar búinn að vera góð helgi. Við fórum og litum á lífið í bænum á föstudaginn. Það voru tjöld allstaðar og allstaðar var spilaður JAZZ. Hvort heldur í kirkjunum eða öldurhúsunum. Fullt af fólki var í bænum, gagngert til að koma á JAzz hátíðina. Við heyrðum líka þósvolítið af íslensku. 

Við fórum í Ikea (aftur) til að kaupa það sem ekki náðist að kaupa síðast. Núna kláruðum við skápin okkar þannig að fötin gátu farið á sinn stað (loksins úr kössum og töskum). Svo fórum við líka í Leikfangasupermarkað (Toys´r us) og þar gat Margrét fundið Kim Possible (gló magnaða) og var hún hin ánægðasta með valið. 

Í dag var svo bara slappað af enda hitinn orðinn þó svolítill hérna (28c) við erum nefnilea ekki svo heppin/óheppin að vera við ströndina og fá svalandi sjávargolu. Við örkuðum samt að arka upp í skólan hennar Margrétar og til baka. (erum að reyna að finna bestu leiðina)

til hamingju með sólina íslendingar

jæja það var mikið að þið hin fenguð líka að sjá þá gulu, til hamingju með það hehe.

Þessa viku höfum fengið hvíld frá sólinni, en núna er hún eitthvað að rembast það er 22c núna og sól öðruhvoru fínt :0)

Við ætlum í bæinn á eftir en það er rosastór jazzhátíð í bænum alla helgina(byrjaði í gær) það er víst alltaf mikil stemning í bænum á þessari hátíð en þetta er árlegur viðburður. Það koma fullt af jazzböndum frá ýmsum löndum, spilað er bæði útá götu og inni á stöðunum. Svo eru búðirnar lengur opnar og fullt af tilboðum í gangi :)  Þið fáið að frétta síðar hvernig okkur leyst á hátíðina.

Á morgun á svo að bruna inní IKEA og reyna að klára að koma klæðaskápnum í stand (okkar hjónanna). vonandi tekur þetta ekki 4klukkutíma eins og síðasta ark í gegnum IKEA þetta er eingin smá stærð á þessu  ALLTOF stórt en mikið og gott úrval hehehe  sem er ekki verra þegar mann vantar hitt og þetta. Ég vona að við fáum allt sem vantar í þessari ferð og þurfum ekki í aðra eftir 2 vikur hehe.

Jæja er þetta nú ekki gott í bili  , skilum sumar kveðjum til allra

Rólegheita dagar

Jæja nú höfum við mæðgur aðeins verið heima í garðinum og dúllast fleira heima fyrir, það er alltaf gott að vera í ró og næði heima . Við fórum í morgun að hitta kennarann hennar Margrétar og leist okkur rosalega vel á hana, hún mun koma heim til okkar í kaffi og spjall í ágúst. Þetta er allt svo heimilislegt í þessum skóla. Við hittum líka skólastjórann en er óskup yfirvegaður og gaf sér tíma í að spjalla aðeins við Margréti, hann er ekki þessi týpíska skólastjóra týpa hehehe.

Eftir skólaheimsóknina fórum við niður í bæ og feðginin fengu klippingu og eru nú sætari og fínni. Kristinn fékk sér uppáhaldsklippinguna sína eða allt rakað af og eins og vanalega mátti bara aðeins særa hjá Margréti en það er allt í góðu maður verður nú að vera með sítt og fínt hár í skóla eins og hún  sjálf orðar það

Nú er Kristinn á kvöldvakt og við mæðgur vorum að koma inn úr 1klst. göngu með bangsa sem var mjög hressandi, en í dag er skýjað og 19c, okkur finnst það eiginlega kallt miðað við hitann í síðustu viku hehehe.

Jæja nú er þetta gott í bili. kv. R.S.H. 

#1 "Miniferie" (fyrsta smáferðin)

Já núna erum við ný kominn heim úr fyrsta "miniferie" hér í Danaveldi. Við ákváðum að nota helgina vel og skruppum aðeins í skemmtiferð. Þessi ferð var kannski aðeins lengri heldur en tíðkast hér, við skruppum alla leið norður til Blokhus sem er á norðurtanganum (þessum efst á jótlandi).

 Þarna lengst norður á hjara dansks lands fundum við nefnilega skemmtigarð sem okkur fannst upplagt að heimsækja. Þannig að á laugardagseftirmiðdag (17júní, til hamingju með daginn ísland) brunuðum við af stað á díselkagganum okkar. Skottið var fullt af öl, mat og sængum. Við gistum í smábænum Blokhus sem liggur við Vesterhavet. Þar fundum við tjaldstæði sem leigði okkur "Hytte" á viðráðanlegu verði, og við máttum taka Bangsa með okkur. Þetta var alveg fín gisting á skemmtulegu svæði. Á laugardagskvöldinu skruppum við niður á strönd til að sýna Bangsa hvernig sjórinn lítur út og sandurinn. Hann var ekkert hrifinn af hvoru tveggja og Rögnu fannst ekkert tilkomumikið að sjá hvað Díselkaggin dreif í sandinum mér til mikillar óánægju. (Fannst hann standa sig alveg þokkalega, ég festi hann að minsta kosti ekki). 

Á sunnudagsmorgunn var vaknað kl 09:00, borðað morgunmat og húsið tæmt, stefnan var sett á Faarupsommerland. Þangað var komið rétt eftir 10:00 og greinilegt að við vorum ekki eina fólkið sem var mætt á mínútinni. Við lentum í heljarröð en það er allt vel skipulagt hjá garðinum þannig að þetta gekk mjög vel fyrir sig. Við örkuðum því að stað frá bílnum og vitiði hvað, HUNDAR eru leyfðir í garðinum. Þannig að Bangsi var voða monntinn að fá að koma með og ekki þurfa að húkka í bílnum. Þetta var rosalega fínn  garður og fullt af tækjum. Við Margrét fórum samt beint í stóra rússíbanan í garðinum og urðum bæði frekar skelkuð. Hann nær 70km hraða og hæðsti punktur er 20m.

Við nutum dagsins rosalega vel og prufuðum meirihluta af þeim tækjum sem garðurinn bauð uppá. Í lok dagsins var svo farið í vatnagarðshluta skemmtigarðsins og buslað og rennt sér í fínum rennibrautum.

Svo var motorvejen tekinn heim á öðru hundraðinu (120-130) (þetta er ekki nema 2tímar frá Silkeborg).

Hérna sitjum við svo og erum kominn heim heil á húfi og búinn að snæða kjuklingafajitas. 

Bestu kveðjur frá öllum hérna í Dalsvinget.     p.s. endilega kvittið í gestabókina eða sendið okkur kveðjur ef þið lesið þetta, okkur finnst alltaf gaman að heyra frá vinum og ættingjum. 

Fyrsta lestarferðin

Í dag fórum við mæðgur í fyrstu lestarferðina, og var ferðinni heitið inní Arhus. Þetta gekk nú bara allt eins og við hefðum aldrei gert annað.

Fyrsti viðkomustaður í Arhus var Build a Bear búð á lestarstöðinni, en þar er hægt að kaupa allskyns bangsa og hanna hann sjálfur, velja föt o.f.l. aukahluti. Margrét ákvað að nota pening sem hún átti af afmælispeningunum frá ömmu og afa á Brautarhóli, svo hún fékk alveg að stjórna mömmu sinni í þessari búð , var Margrét hin ánægðasta ekki síst þegar hún sá að hún átti afgang af peningnum

Síðan var strikið að sjálfsögðu labbað með viðkomu í H&M og o.f.l. góðum búðum.

Kom svo Kristinn og náði í mæðgurnar sínar eftir vinnu og var þá brunað í BILKA, leist Krissa nú ekki alveg á stærðina á búðinni og ætlaði að elta þá bíla sem voru af fara frá búðinni hehehe, hann slapp nú ekki svo vel, stæði var fundið og allir inn. 2 1/2 klukkustund síðar vorum við aftur komin út í bíl þetta var svolítið stór búð hehe. En engum var meint af nema buddunni hjá Krissa

Jæja bless í bili, ætlum að hvíla lúin bein í kvöld (svona leiðangrar taka nú svolítið á ) 

Unnid fram eftir

Herna sit eg og er ad reyna vinna svolitid, ekki er samt audvelt ad vinna i tessum hita og nuna er ordid svolitid rakt lika. Vid fengum tessa finu rigningu i gær en nuna er bara hiti og sol frammundan eins langt og spain nær. Tad er frekar rolegt i vinnunni nuna, ekki mikid af vorum sem komu og ekki eru margir kunnar a ferdinni nuna. Samt ætti ad verda gott næstu 1-2 vikur tar sem allir eru ad fara i fri og a leidinni i allar attir.

Kann ordid alltaf betur og betur vid mig herna a nyja vinnustadnum. Allir herna eru kurteisir og mikid um svona samhljom. Tad eru flestir a svona midjum aldri og tess vegna held eg ad vid naum oll svona saman.

Jæja best ad halda afram og lata lita ut sem eg se rosalega duglegur  Kristinn

kærkomnir dropar

Í dag fáum við smá hvíld frá þeirri gulu, en sú hvíld verður stutt eða bara í dag. Nú er smá úði og 17c hiti. Ragna ætlar að nota daginn í að þrífa en það hefur ekki verið hægt vegna hita síðastliðna daga. Hitinn fór í 34c í gær og mæðgurnar toldu aðeins í klukkutíma eða svo utandyra þann daginn, bangsi var líka hálf dasaður vildi ekki einu sinni drekka hann nennti ekki að standa upp. Allir eru nú aðeins ferskari í dag og í morgun fórum við með bangsa til dýralæknisins í sprautu en það gekk mjög vel ,lækninum fannst hann reyndar svolítið grannur en hann fær þá bara stærri matarskammt og finnst það ekkert verra.

Okkur fannst nú frekar fyndið að þegar svala vinkona Tótu spurði okkur og Margréti hvort við vildum fá eitthvað frá Íslandi var MYSINGUR með KARMELLU eina sem Margréti fannst vanta í ísskápinn, svona eru nú þessi börn hehehe annars er bara allt gott hjá okkur og við erum aðeins að plana viku fríið sem Kristinn fær í júlí, en við ætlum þá að skoða okkur eitthvað um.

Bless í bili . 

Nú er verið að ganga frá manni.

Þetta er alveg að verða nóg. Í dag fór hitinn yfir 30c og ég var að vinna!!! Þetta var næstum ólíft.

Við fengum heimsókn í dag frá Svölu vinkonu Tótu, hún er stödd hérna í bænum á ráðstefnu og leit því aðeins við á milli funda. Margrét fékk nóg af sól í gær og er búinn að vera mikið inni í dag. Ragna er samt alveg dugleg að láta þessa gulu skína á sig og var úti og naut hitans. Við erum samt farinn að hlakka til að fá smá RIGNINGU en henni er spáð á miðvikudag.

Annars allt í góða héðan úr gervispáni, Silkeborg. 

Annar heitur dagur í Silkeborg.

Dagurinn í dag var enn einn hitadagurinn í röð (komnir 3) þar sem hitin náði 30c og enginn kæling að ráði þannig að yfir morgunverðarborðinu var ákveðið að skella sér á ströndina. Við erum svo heppin að hérna í bænum er nóg af pollum, vatni og Ennþá stærri pollum sem hægt er að baða sig í. Við fórum á ströndina við eitt svona vatn. Við vorum ekki þau einu sem fengum þessa hugdettu og það var ekki þverfótað fyrir dönum sem einnig þurftu á kælingu að halda. Við Margrét fórum og syntum í kölduvatninu og létum svo sólina þerra okkur. Þetta var alveg hreint frábært. Að hafa svona aðstöðu hérna næstum við hliðina á húsinu okkar.

Þegar við komum heim fóru allir í sturtu og svo förum við að borða. Við Ragna erum búinn að fá nóg af sól í dag og sitjum hérna inni, en Margrét er enn úti í sólinni á pallinum fyrir framan húsið okkar og er að baða dúkkurnar sínar.