ER AÐ FÁ NÓG AF VEIKINDUM :(

Það er hægt að seigja að ég sé að fá nóg af að vera heima með veikt barn, Símon Mikael er búin að vera meira og minna eitthvað slappur síðan 10 október, svo fengu þau systkyn jú þessa blessuðu svínaflensu og lágu alla síðustu viku og svo fór Margrét í skólann á mánudaginn en kom heim í hádeginu með 39c og dúndrandi hausverk og er hún enn með hita en nú hlýtur þetta nú að fara að taka enda nema Bjarni Harald finni uppá að leggjast í rúmið NEI ÞAÐ ER SKO BARA EKKI Í BOÐI FYRIR HANN  HEHE

Bjarni Harald átti annars rosa fínan afmælisdag um daginn og var alsæll og þreyttur um kvöldið enda erfitt að vera miðpunkturinn allan daginn  

Stína Lína systir Kristins kemur til okkar 12 des og verður fram til 20 des okkur hlakkar mikið til að fá hana og ætlum að baka og jóladúllast með henni og svo á að reyna að skreppa til þýskalands   

Vá annars er barasta EKKERT í fréttum núna svo ég er bara hætt í bili BÆJÓ

BJARNI HARALD 2 ÁRA

Í dag á hann Bjarni Harald afmæli, orðinn 2 ára gaur Kristinn skellti í skúffuköku í gær og fór prinsinn með stórt bros á vör með 2x bangsímon kökur ,saftvatn og blöðrur til June sinnar í morgun svo fáum við okkur köku þegar hann kemur heim og svo fær hann jú að opna alla pakkana sem ættingjarnir eru búnir að senda honum og pakkann frá okkur og svo frá Margréti og Símoni svo það verður nóg að gera hjá honum í dag

Annars eru Margrét Svanhildur og Símon Mikael búin að liggja með svínaflensuna alla vikuna en Margrét er nú að hressast núna og Símon var loks orðin hitalaus í morgun en þau eru bæði enn mjög kvefuð og með ljótan hósta. Við hin sleppum vonandi við þetta en við erum bara búin að vera kvefuð.

Jæja ætla að fara að leggja mig með Símoni þar sem ekki er búið að sofa mikið síðustu nætur og ekki mikið um orku hjá mér

Góð helgi að baki :)

já við áttum frábæra helgi hér á bæ, Símon Mikael er fluttur inn til Bjarna Haralds og gengur það bara mjög vel þeir hrjóta vel og þungt þar í kór

Svo var jú afmælisveisla fyrir Bjarna Harald á laugardaginn og komu Bergþóra, Jón, Kristófer og Kormákur frá Gadbjerg og svo Bylgja,Sigfús,Rakel Talía og kúluprins frá Aarhus :) Bjarni Harald var í essinu sínu og naut dagsins í botn. Bergþóra og CO gáfu honum tösku með allskonar litum í og var sunnudeginum eitt í að lita og lita svo fékk hann bubba byggir og selmu og bíl frá Bylgju og CO og er búið að leika mikið með þau bubba og selmu og þau fá alltaf koss þegar hann finnur þau í dótakörfunni (mikið uppáhald hann bubbi byggir)  

Kristinn var svo í fríi í gær og vorum við reyndar öll heima þar sem Bjarni Harald var þreyttur eftir helgina og Margrét Svanhildur orðin veik.

Margrét og Símon eru núna lasin með hita,kvef og beinverki, læknirinn vildi nú meina áðan þegar ég hringdi að þetta hljómaði eins og svínaflensan en ég verð bara að vera dugleg að láta þau drekka og bara hjúkra þeim  

Kristinn ætlar bara að vera úti með Bjarna Harald eftir vinnu á eftir svo þeir smitist ekki líka en ég er sjálf að drepast í hálsinum og eitthvað slöpp en samt hitalaus held ég. 

Jæja ætla að fara að spjalla við músu mína bið að heilsa ykkur í bili

kvefbæli

já hér erum við öll búin að vera kvefuð og krakkarnir hóstuðu í kór í nótt , fallegur söngur það held samt að Margrét og Kristinn séu að klára þetta en ég ætla að hafa Bjarna Harald heima á morgun og hinn svo hann nái að jafna sig fyrir afmælisveisluna sína sem verður á laugardaginn já hann er að verða 2 ára þann 20 nóv ótrúlegt en satt. Við eigum von á vinafólki okkar frá Gadbjerg, Aarhus og svo Lisbet og Karinu frá suðurjótlandi.

Planið er lika að flytja Símon Mikael inn til Bjarna Haralds á föstudaginn svo mamman fái nætursvefn en ég vakna við hverja stunu frá honum og er því ekki að fá mikinn svefn, Bjarni Harald sefur svo fast að hann á ekkert eftir að vakna við hann (vona ég) en þetta kemur allt saman í ljós vonandi gengur þetta bara vel.

Jæja best að fara að ganga frá þvottinum bæjó

USSUSS hvað maður er orðinn latur við skrif hér

Það er bara allt gott að frétta hér í DK Símon Mikael er orðinn hress og stækkar vel, Bjarni Harald er farinn að tala helling en fyrsta íslenska setningin var ansi flott " FARÐU FRÁ" hehe já hann á eftir að verða góður í framtíðinni fyrsta danska setningin var " far bil mig " = pabbi sækir mig á bílnum, svo er hann farinn að segja HJÁL......P já það er soldið bil á milli l og p og svo er mikil áhersla lögð á pið hann segir líka VÁÁ, meira, horfa, sjá og se, 2 ára ( dönsku)sjov og já bara helling það kemur nýtt orð á hverjum degi og svo er allt apað eftir stóru systir sem hefur fengið nýtt nafn SISSÍ og Símon heitir MIMMI núna

 Margrét Svanhildur er bara á fullu í skólanum og sportinu eins og alltaf og barasta hin hressasta

Við fórum í bæinn á föstudaginn en það var halloween og allt opið til 22 við versluðum jólagjafir og svo fengum við okkur sunset sem er eins og subway , þetta var bara mjög gaman og kósý að vera í bænum í mirkrinu og logandi grasker útum allt

Við hjónin erum bara hress líka og allt gengur bara sinn vanagang hér á heimilinu, óskup lítið í fréttum eitthvað.

Jæja hef ekki meira að segja ykkur  í bili svo ég kveð að sinni

Símon Mikael lasarus :(

Já hann Símon Mikael er sko búin að vera veikur litli kúturinn, hann fékk hita síðasta föstudag og var með 39 - 40 laugardag og sunnudag þrátt fyrir að við værum að gefa honum panodil á 6 tíma fresti svo aðfaranótt mánudags var hann mjög slappur og heitur svo ég mældi hann og var hann þá með 40,9 ákvað ég þá að hringja á læknavaktina. Læknirinn kom og skoðaði hann og tók svo þá ákvörðun að hringja barasta á sjúkrabíl og láta leggja hann inn á barnadeildina í Viborg. Þegar við komum þangað var hann með 40,2 í hita, ofháan blóðþrýsting háan og óreglulegan púls og andaði mjög hratt. Læknunum leist nú ekkert á hann og tóku fullt af blóðprufum,þvagprufu og stungu í þvagblöðruna utan frá og tóku sýni svo átti að taka sýni úr mænunni og setja upp sýklalyf í æð hjá honum. En sem betur fer fór þá stílinn sem hann fékk hjá þeim að virka og leit hann þá aðeins betur út og ákváðu þá læknarnir að bíða með mænusýnið og sýklalyfið. Við sváfum síðan aðeins og svo rauk hann aftur upp í hita þegar stílinn hætti að virka og púlsinn var frekar hár, fékk hann þá annan stíl og mjólk á pela þar sem hann vildi ekkert borða, svaf hann svo meira og var síðan aðeins hressari og borðaði smá kartöflumús, svo sváfum við bæði í 3 tíma og þegar hann vaknaði var hann hitalaus og bara nokkuð sprækur svo við fengum að fara heim. Fékk hann samt stíla áður en við fórum. Kom svo í ljós að þetta var influenza sem hann fékk en ekki bakteria eins og læknarnir hræddust þarna um nóttina. Hann er búin að vera mjög þreyttur og pirraður síðan og fyrst í dag sem hann vildi borða eitthvað að viti og og vildi leika sér á gólfinu, svo þetta er allt saman að koma.  Ég er nú líka búin að vera ansi þreytt eftir þetta en þetta tók jú á mig að horfa á hann svona slappan og sjá hvað læknarnir voru áhyggjufullir án þess að þeir sögðu nokkuð strax þá sá ég bara á þeim að þeim leist ekki á hann og líka hverngi þeir litu á hvorn annan þá vissi ég að þeim leist ekkert á hann. En sem betur fer þá var þetta ekkert alvarlegt og hann er að ná sér

Kristinn fór á landsleik til Köben í gær og var svaka stuð og stemning hjá honum hann fékk frímiða gegnum vinnuna og þurfti ekkert að borga sjálfur hvorki rútuna mat eða inn á leikinn.

Á leiðinni var tippað á hvernig leikurinn myndi fara og var Kristinn sá eini sem tippaði rétt og vann hann því rúmar 700 dkr og ekki skemmdi það nú stemninguna hjá honum á heimleiðinni

Margrét Svanhildur og Bjarni Harald eru vetrarfríi núna og erum við bara búin að hafa það kósý heima

Bless í bili Ragna

Hellú

Allt er farið að ganga betur hér á bæ Símon Mikael sefur allar nætur núna frá 21-6 svo við erum hætt að kvarta HEHE en verðum bara að sætta okkur við að fara á fætur kl:6 því þá vill hann fá hafragrautinn sinn Bjarni Harald vaknar líka alltaf við hann á morgnanna svo það er bara stuð á bænum. Símon Mikael er farinn að borða ýmislegt eins og kjöt allt grænmeti og ávexti hann er rosalega harður á sínum matartímum og vill fá að borða 6:30 , 11, 15, 18 og svo pelinn kl:20 ef þetta dregst um 10 mínútur þá verður allt brjál, hann er farinn að sitja sjálfur og við erum búinn að kaupa TRIP TRAP stól sem hann vígði í gær

Ég og Margrét Svanhildur fórum á skólaskemmtun á þriðjudaginn og var það mjög fínt, það var sko gott að koma heim og Kristinn búinn að koma báðum prinsunum í bólið  

Bjarni Harald vex og vex og vex ég keypti notuð föt á hann um daginn nr 98 og 104 og hann passar í það hann átti allt í einu EINGIN föt sem hann passaði í var eins og hertur fiskur í öllu fyndið hvað þau vaxa hratt allt í einu þessi börn.

Jæja ákvað að pikka smá fyrir ykkur en ég er nú ekki að nenna þessu mikið lengur erum að spá í að fara að hætta þessu barasta og vera bera með barnalandið

BÆJÓ

Langt á milli skrifa núna

Já maður er nú ekki alltaf að skrifa hér inn núna þar sem ekki er mikið í fréttum, allt gengur bara sinn vanagang hér á bæ og allir eru hressir og kátir

Símon Mikael er bara nýr strákur og sefur á nóttinni og 2 góða lúra útí vagni, hann er duglegur að borða og stækkar vel.

Bjarni Harald er orðinn algjör gaur og vill ráða öllu á heimilinu hehe hann verður góður í framtíðinni úffúff hann minnir okkur mikið á Rúnar bróðir Kristins HEHE algjör trúður sko  

Margrét Svanhildur er hress og kát ,hún er á fullu í sportinu og nóg að gera hjá henni í skólanum, hún er að læra á blokkflautu í skólanum og mikið fjör þegar hún er að  æfa sig okkur hjónum hlakkar mikið til þegar hún fer að hitta betur á réttu tónanna

Já annars er nú bara ekkert að frétta af okkur ég  vildi bara láta ykkur vita að við  værum á lífi en þið megið alveg gera hið sama og kvitta öðru hvoru

Jæja jæja

Loksins fór Símon Mikael að sofa, hann er búinn að sofa núna 2 nætur í röð án þess að vakna hann rumskar aðeins en þá er nóg að gefa honum snuðið og laga hann í rúminu nú er bara eins gott að þetta haldi áfram svona.  Hann er búinn að sofa 3 góða lúra á daginn síðan á laugardag svo þetta er allt að koma hjá honum.

Dögg mín það er best að leggja hana út að sofa og ef hún vaknar þá er bara að rugga henni þá ætti hún að sofna aftur ég fer oft út og rugga honum smá þá sofnar hann strax aftur, oft þarf kannski að leggja þau á hina hliðina eða láta þau  ropa og svo leggja hana aftur niður. Vona að þetta hjálpi þér.

Símon Mikael var í 5 mánaða skoðun og sprautu á þriðjudaginn og er hann orðinn 7,9kg og 68cm svo hann er að stækka vel, en það er einn í mömmuhópnum sem er 9,5kg og 72cm HLUNKUR HEHE mér finnst Símon bara vera písl við hliðina á honum.

Annars er nú ekki mikið nýtt í fréttum hér á bæ við er öll bara hress og kát í haustblíðunni

Er orðin ráðþrota :(

Nú veit ég barasta ekki hvað ég á til bragðs að taka með hann Símon Mikael, hann er aftur farinn að sofa MJÖG lítið á daginn og líka á nóttunni. Ég svaf í stofunni síðustu helgi og Kristinn tók hann á nóttunni þá svaf hann vel og vaknaði bara einu sinni og eina nóttina vaknaði hann alls ekki. Hann var farinn að vakna á klukkttíma fresti allar nætur og var búin að gera það í 9 daga svo við fórum með hann til læknis til að láta kikja á hann, hún vildi ekki meina að það væri nokkuð með hann fyrir utan smá þrýsting á eyrum og vildi ekkert gera við því þar sem hann er fá tennur og getur það valdið þrýstingnum.  Nú er ég aftur flutt inn í herbergi og þá leikur hann sama leikinn (klukktíma fresti) við hjónin erum oðrin ansi þreytt og vonum að við náum að venja drenginn af þessu sem fyrst.

Annars er bara allt ágætt að frétta  ég eyði dögunum í að reyna að láta Símon Mikael sofa án þess að ég haldi á honum og gengur það upp og niður. 

Margrét Svanhildur er bara á fullu í skólanum og sundi á mánudögum, fótbolta á þriðjudögum og fimmtudögum út sept og svo er frí frá fótboltanum, hún ætlar síðan að prófa borðtennis í dag og jafnvel að vera í því í vetur.

Bjarni Harald fór stoltur af stað í morgun með bakpoka í bakinu með nesti og vatnsbrúsa en dagmömmurnar eru saman í dag í "paradiserlejeren" hérna rétt fyrir utan bæinn.

Jæja best að fara að gera eitthvað meðan kúturinn sefur

PS nýjar myndir á barnalandinu