Mæðginin komin heim :)

Í gær fengum við loks að koma heim en ég var orðin frekar þreytt á þessari sjúkrahúsvist. Ég var samasem EKKERT búin að sofa eftir að ég var flutt á 2 manna stofu en það var sko ekki vegna hans Bjarna Haralds nei nei það var nágranninn ég meina það sko barnið það öskraði allan sólarhringinn nánast og ég er ekki að grínast hann ÖSKRAÐI og var meira að segja orðinn hás í gær. En Bjarni Harald lét þetta sko ekki trufla sinn svefn og svaf í gegnum öskrin ótrúlegt að hann hafi getað sofið en það er svo mikil værð yfir honum að það er alveg yndislegt að horfa á hann hann sefur vaknar drekkur sefur í 3-4 tíma vaknar og drekkur svona rúllar hans sólarhringur núna þessa dagana sældarlíf alveg hreint. En þar sem ég er ekki með nógu mikla mjólk fyrir hann fær hann þurrmjólk með og þar sem hann er enn frekar þreyttur og lítill þá orkar hann ekki að taka brjóst og svo pela þannig að ég mjólka mig svo hann fær mína mjólk líka á pela, já þetta er vinna að vera alltaf að mjólka sig en mér finnst nauðsynlegt að hann fái mína mjólk, svo þegar hann er búin að safna meiri kröftum þá verðum honum skellt á brjóst aftur en ég fékk 2 kosti í gær annað hvort að vera áfram ynnlögð í einhvern tíma áfram og hann fengi sondu aftur (fær þá mat í gegnum slöngu í gegnum nefið) og ég myndi leggja hann á brjóst með EÐA fara heim og hafa þetta þá eins og ég var að lýsa hér að ofan. Ég hugsaði mig sko ekki 2x um og sagði HEIM TAKK ég er heldur ekki hlynnt þessari sondu og hún ýtir sko ekki á eftir honum að drekka og hann var líka frekar pirraður útí hana þessa daga sem hann hafði hana, hann meira að segja reif hana úr sér eina nóttina hjúkkan var líka alveg sammála mér svo ég hringdi í Kristinn og sagði honum að koma og ná í okkur. Við fórum síðan með hann uppá deild í morgun en þær vilja fylgjast með hvort hann sé ekki örugglega að þyngjast svo að við fórum með hann í vigtun og var hann búin að þyngjast um 20 gr síðan í gær og voru þær ánægðar með það svo eigum við að mæta aftur í vigtun á laugardaginn. Síðan kemur hjúkkan heim til okkar á mánudaginn. 

Kristinn byrjar svo í fæðingarorlofi á mánudaginn og hlakkar honum mikið til þess að geta átt smá tíma með lilta kútnum. Svo eru  tengdó LOKSINS búin að festa sér miða til okkar og koma 8-14 des svo það passar fínt við fríið hjá Kristni.

Jæja þá kallar prinsinn á pelann sinn (er ekki neitt rosa þolinmóður að bíða eftir matnum)

Bæjó í bili  og TAKK ÆÐISLEGA FYRIR ALLAR KVEÐJURNAR

 

Núna aðeins ítarlegri frásögn af vikunni.

    Já það er ekki bara nóg að setja stóra fyrir sögn og enga sögu. (sjá síðustu færslu). Við eignuðumst á þriðjudaginn okkar annað barn. Ragna greyið var búin að farast úr verkjum síðustu helgi (17-18nóv) og hreinlega ekkert búin að sofa síðan á föstudagsmorguninn í síðustu viku. Hún lá hérna í sófanum og var með reglulegar hríðar og verki sem ekki fóru í burtu. Á mánudag átti hún svo pantaðan tíma hjá lækninum okkar niður í bæ. Þangað fer hún með leigubíl í stutta heimsókn og svona eftirfylgni hjá lækninum (sem er svosem fín en er ekki fæðingarlæknir), hún sendir bara Rögnu heim aftur og segir að hún eigi bara að liggja kyrr. Ragna hringir í mig í vinnuna og fær mig til að keyra hana heim. Eitthvað sá ég samt á henni að ekki var allt í lagi þar sem hún gat varla gengið vegna verkja. Hún stönglaðist samt inn í bílinn og keyrðum við heim. Ég sagði samt við hana að við ættum að ráðfæra okkur við ljósmóðurina. Ég var ekki fyrr kominn aftur í vinnuna þegar Ragna hringdi og sagði að ljósmóðirin vildi að hún færi uppá spítala til að láta kíkja á þetta. Þannig fór að ég keyrði þá með Rögnu aftur niður í bæ og þetta skiptið upp á spítala í tékk. Ragna fékka að vera þarna yfir nóttina og læknirinn sem sá hana á mánudagskvöldinu fannst þetta bara vera "móðursýki" og vildi að hún færi bara heim og biði lengra fram á meðgönguna en féllst á að láta hana gista samt. Á þriðjudagsmorgun eftir svefnlausa nótt þar sem Ragna samt fékk verkjalyf, morfín og svefntöflur. Þá fékk hún heimsókn af deildarlækninum á fæðingarganginum og hélt hann að kannski væri legkakan laus og þetta gengi ekki að hún svæfi ekkert og með alla þessa verki. (Det går simpel hen ikke længere i gang med damen). Hringdi Ragna í mig í vinnuna og sagði að það væri verið í gangi með að sprengja belgin. En það gekk ekki alveg eftir í fyrstu tilraun. Í annari tilraun þar sem víst ein ljósmóðirinn fór hreinlega uppí rúm og lagðist ofan á efri hluta kúlunar og önnur hjálpaði eitthvað til (var ekki á staðnum, heyrði bara lýsinguna). Þá sprakk belgurinn og misti konan mín loks legvatnið. Fékk ég loks að koma til sögunar, ég sagði við vinnufélagana að núna væri tíminn kominn og kvaddi þá með nóg að gera. Brunað var niður á fæðingardeild og þar kom ég að Rögnu þar sem hún bara lá og slappaði af á bekknum. Ekkert sérlega fæðingarlegt að sjá. En það átti eftir að koma í ljós að biðin yrði einhver þannig að ég slakaði líka á og las fagleg kvenna tímarit og lét þannig tíman líða. Um eftirmiðdaginn þegar hríðarnar voru orðnar slæmar bað Ragna um mænudeifingu. Kom þá til svæfingarlæknir með nema í eftirdragi. Þessi kona lét Rögnu fullvissa sig um að mænudeifing væri það sem hún vildi áður en hún hóf störf. Svarið var einfalt JÁ. Hinsvegar þegar undirbúningur stóð sem hæst og búið var að fordeifa svæðið og hún var við að stinga kom upp efi, hún leit á mig og spurði hvort hún ætti nokkuð að vera að þessu?. En þá kom hríð og svarið var já. Deifing hreif svo vel að Ragna næstum bara sofnaði, hríðarnar voru bara barnaleikur í hennar augum og  ekkert leit útfyrir að vera að gerast. Það voru svo vaktaskipti og fóru ljósmóðirnn og neminn hennar heim og við tók eldri og veraldsvön ljósmóðir við (Kirsten). Hún skoðað Rögnu og áleit að aðeins væri um 2cm að ræða í útvíkkun. Við biðum lengur. Hún skoðaði svo aftur aðeins seinna og sagði að þetta gæti tekið tíma og bauð okkur eitthvað að drekka og borða. Hún var varla fyrr farin út úr herberginu þegar Ragna hreinlega veinaði af sársauka. Hún öskraði á mig að kalla aftur á ljósmóðirina og láta lina sársaukan. En Nei ekki var það hægt þar sem núna stóð alltíeinu koll hálfnaður á leiðinni í heiminn. Á ca 30 mín var svo allt yfirstaðið og Bjarni Harald okkar var fæddur og lagður á maga móður sinnar. Það er eins og þeir segja ekkert er dásamlegra en fæðing mans eigins holds og blóðs. Fékk ég svo að klippa naflastrenginn og var það líka frábært þar sem ekki hafði mér gefist sá möguleiki þegar hinn gullmolinn okkar hún Margrét Svanhildur fæddist. Núna beið stráksins svo viktun, en hún beið samt með að skoða hann betur þar sem hann var ákaflega mikið vakandi eftir fæðinguna eins og sést á myndunum hérna við hliðina. Loks þegar hann var svo skoðaður og mældur, var hann úrskurðaður fullkomlega frískur miðað við stærð og 5vikur fyrir tíman. Eftir langan og erfiðan dag fór einn þreyttur Pabbi heim að gefa hundinum okkar mat og viðra hann og sofnaði með stærðar bros á vör um leið og höfuðið var lagt á koddan. 

Vikan hefur svo liðið frekar hratt hjá okkur hérna í DK. Ragna er enn á spítalanum þar sem hann er ekki farinn að taka brjóstið svo vel og í gær (laugardag) var læknirinn búin að mæla hann Bjarna Harald með GULU. Já ekki alveg eins gott og við héldum þannig að honum var snarað með det samme í ljós. Hann var lagður ofan á ljósabekk og þarf að vera í honum þangað til honum batnar, ca 2daga. Annars hefur hann það gott. Búin að fara í sitt fyrsta bað og kom í ljós eftir baðið að lubbinn á kollinum er umtalsverður ef gott er ekki að hann sé mikill. Rögnu heilsast eftir aðstæðum vel. Hún er reyndar smá pirruð yfir að vera flutt af einkastofu yfir á 2manna stofu og hafa þaraf leiðandi ekki eins mikið næði og fyrr. En ekki er á allt kosið, samt alls ekkert hægt að kvarta yfir aðstöðunni þarna á sængurkvennaganginum. Og Starfsfólkið hreinlega SÚPER GOTT. Ég er samt farin að langa að fá konununa mín heim með strákinn og tel því tímana þar til hún verður útskrifuð.

Margrét Svanhildur er mjög ánægð með að vera loks orðin stóra systir og fynnst litli bróðir "ekkert smá sætur". Hún fékk á miðvikudaginn bol þar sem á stendur "verdens bedste storesøster". Ekkert smá ánægð með það og bar hann stolt í skólanum bæði fimmtudag og föstudag. Henni er samt farið að langa að fá Mömmu heim til að eiga hana að þar ekki á einvherju "sygehus".

Jæja látum gott heita og skila bestu kveðju til allra sem að nenna að lesa bloggið. Endilega kastið inn línu í athugasemd þar sem gaman er að sjá hverjir eru að fylgjast með.

PABBINN  

Fæddur strákur !!!!!!!!!!!!!!!!!

Já Hún Ragna mín fæddi strák í gær

 

Þriðjudag 20-11.

 

Hann vó 2400grömm og mældist

 

48cm.

 

Hann var svo strax nefndur.

 

 

Nafnið er Bjarni Harald.

 

 

Báðum heilsast vel.

 

 

Bestu kveðjur frá DK, fjöldskyldan Albert Dams Vej 25. 

LJÓSMÓÐURHEIMSÓKN

Jæja ég fór til ljósunnar í dag og kom það ekki of vel út ég er búin að vera með mikla túrverki síðan í gær og samdrætti inn á milli, svo var blóðþrýstingurinn aftur of hár og púlsinn alltof hár. Vegna verkjanna vildi hún að ég færi uppá deild í tjekk, ég var sett í rúm þar og beint í monitor svo lá ég þar í 30 mín og fékk 3 hríðar á þeim tíma,gaurinn hefur það samt fínt og þar sem útvíkkunin er enn bara 1 þá fékk ég að fara heim en nú á ég algjörlega að liggja rúmföst 'eg varð nú soldið svekkt að þetta væri svona þar sem ég hef tekið því rólega síðan ég var útskrifuð af spítalanum en það er greynilega ekki nóg og nú má ég barasta EKKERT gera nema liggja. Sem betur fer er ég dottin í rosa spennandi bók á dönsku svo að ég ætti að geta legið og lesið Svo á ég tíma hjá lækninum mínum á mánudaginn og þá verður tjekkað á hlutunum aftur. Svo nú er bara að krossa fingur fyrir mig kæru vinir og vona að þetta róist eitthvað aftur.

Annars segjum við bara góða helgi

HELLÚ HELLÚ

Nú er Margrét eitthvað slöpp í maganum og gubbaði í gær svo að hún var heima í gær og er líka heima í dag svo að við mæðgur höfum það kósý í sófanum og horfum á DVD og spilum JUNGEL PARTY í Playstation 2

Við fengum sendingu frá Íslandi í gær en þetta voru 2x stórir kassar fullir af ungbarnafötum af Margréti og sængin hennar var líka með og sængurföt og svo var annar kassinn fylltur upp með nammi og hinn með föndri handa mér TAKK æðislega fyrir  föndrið  Dögg mín     nú get ég haldið áfram með jólakortin.

Annars hef ég það bara fínt þessa dagana fæ smá hríðir inn á milli og þrýsting niður í kúluna þegar ég stend svo ég sit mest eða ligg þá er þetta OK. Svo fer ég til ljósmóðurinnar á föstudaginn og er ég soldið spennt hvað hún segir, og hvernig útvíkkunin stendur. 

Við settum fullt af myndum inn á síðuna hjá Margréti í gær endilega kikið á það  

Knús og Kram  Ragna og allir hinir

GUTTINN ORÐINN 2100 GR :)

Já ég var í vaxtarsónar og sykurtjekki í morgun og lítur allt vel út og guttinn vex vel, hann er næstum búinn að ná fæðingarstærð systur sinnar hann hefur það bara mjög fínt þarna inni og spriklar vel. Sykurmælingarnar hjá mér líta nú ekkert illa út svo þetta er bara allt hið besta ég á svo að mæta aftur eftir 3 vikur og athuga stærðina á guttanum.

Annars er frekar leiðinlegt veðrið hjá okkur núna ROK og RIGNING og er ég nú bara glöð að vera heima í kósýheitum. Kristinn er að fara að spila póker í kvöld og ætlum við mæðgur að hafa það kósý uppí sófa undir teppi með popp og tilheyrandi  

Jæja hef ekki meira að segja í bili knús og kram Ragna

RÓLEGHEIT :)

Já nú eru bara rólegheit hjá mér (Rögnu) ég hef það nú fínt miðað við aðstæður enda ligg ég bara fyrir og er að lesa svo er ég líka aðeins að föndra jólakortin ég er bara svo ánægð að vera komin heim þó að ég þurfi að liggja áfram þá er alltaf best að vera heima hjá sér. Kristinn fer með Margréti í skólann á morgnanna og svo hjólar hún sjálf heim svo að ég þarf ekkert að spá í því  

Mamma og Kristinn voru búin að þvo öll ungbarnafötin og eru þau núna komin í kommóðu svo að nú er allt að verða klárt fyrir drenginn   Mamma kom aðsjálfsögðu klifjuð af æðislegum prjónafötum og teppi handa honum , og er einnig búið að þvo það . Já það er ekki mikið sem ég þarf að gera áður en prinsinn mætir á svæðið enda má ég ekkert gera svo það er bara gott að hafa allt klárt núna

Jæja ég hef nú ekki mikið að segja núna annað en TAKK TAKK fyrir allar kveðjurnar

Ragna fékk að koma heim í dag :)

Jæja nú er gaurinn búinn að skilja að hann á að vera lengur inní hljýjunni í kúlunni. Ragna fór í sónar og einnig var athugaður leghálsinn í gær og þar sem það leit allt vel út fékk Ragna að fara heim seinnipartinn í dag Nú á hún samt að liggja áfram hér heima og slaka á.

Kristinn og Margrét keyrðu tótu á lestarstöðina eldsnemma í morgun og komu svo á spítalann og vöktu mig kl:8:20 svo kíktu þau í bæinn og keyptu jólagjafir og komu svo aftur til mín og var ég þá bara nokkuð hress búinn að fara í göngutúr á ganginum og borða frammi svo var ég ekki búinn að fá hríðir í tæpa 2 tíma og fann alveg að ekkert var að gerast og fékk þá leyfi að fara heim með því skylirði að liggja fyrir heima  

Mig langar síðan að þakka fyrir allar kveðjurnar það er svo gott að vita að þið hugsið til okkar nú er svo bara planið að fara til ljósunnar 1x í viku og liggja fyrir og reyna að halda gaurnum allavegana einhvern tíma í viðbót.

kær kveðja Ragna og kúlubangsinn sem liggur voða á

Þriðjudagur 30/10

Já núna er kominn þriðjudagur og ekkert svo mikið að frétta.

Ragna er innlögð á meðgöngudeild Skejby Sygehus og er þar í frekar góðum höndum. Litli Gaurinn er að slaka á og er greinilega sáttur við að bíða aðeins með að koma í heimin og það kannski sem betur fer. Hann má allveg vera aðeins lengur í kúlunni til að vaxa og þroskast. Þannig að við Margrét erum núna þessa dagana heima og stundum okkar vinnu og skóla eins og áður.

Einnig kom Tóta (mamma Rögnu) á laugardaginn og var nú Margrét heldur betur ánægð með að fá ömmu sína aðeins í heimsókn. Hún ætlar að vera hérna í eina viku og núna í vikunni hefur hún sótt Margréti strax eftir skóla þannig að hún hefur ekki þurft að vera í Frístundunni. Svo brunum við inn til Skejby í heimsókn og svo heim aftur. Þetta er nú eins og að vera kominn aftur í vinnu útí Árhúsum.

En við þökkum fyrir mikla kvittun og okkur finnst þetta líka rosalega gaman að fá svona margar góðar kveðjur frá ykkur sem að lesa Blogið okkar og hugsa til okkar.

Jæja Bestu kveðjur úr Silkeborg Kristinn, Margrét og Amma Tóta.

Einum liggur mikið á!!!!

Já það er enginn smá ferð á guttanum í kúlunni hjá mömmu sinni. Ragna er í dag aðeins komin ca 31 viku en minn ætlaði sér bara að koma í heiminn í nótt. Ragna vakti mig rétt fyrir 3 í nótt og þá var hún búin að liggja í rúminu með hríðir og læti. Við hringdum í það sama í sérfræðinginn okkar hana Dögg mágkonu og spurðum hvort þetta væri eðlilegt? Nei það var það sko ekki. Þannig að Margrét var rifin á fætur og af stað niður á Silkeborg Sygehus. Þar var tekið alveg rosalega vel á móti okkur. En þar sem ekki er gott að koma í heimin eftir svona stutta meðgöngu þá var það ákveðið að stoppa ferlið. Dælt var lyfjum í Rögnu og ákveðið til öryggis að senda hana á Skejby Sygehus í Árhúsum. Skejby er næst stærsta sjúkrahúsið í DK. og líka nýjasta. Hún var sett á börur og upp í sjúkrabíl. Þar sem ljósmóðirin vildi enga sjensa taka fór hun og læknir með bílnum til Arhusa. Við Margrét drifum okkur heim og pökkuðum í tösku og keyrðum svo í nótt sem leið lá beint inn til arhusa. Ekki var móttakan á Skejby verri. Þar var hún drifin í rúmið og dælt fleirri lyfjum til að stoppa hríðarnar. Við Margrét fengum sko ekki verri móttökur. Okkur var boðið morgun mat og svo upp í rúm til að leggja okkur enda mjög árla morguns og vissi ljósmóðir á Skjeby að við vorum þreytt og ósofin. Eftir Lúr og ró þá var komið að hádeigis mat. Við tókum þá af stað í ekkert smá ferðalag. Skejby er ekkert "smá hus" og t.d er sjúkrahússtrætó innanhús  á spítalanum. Við Margrét löbbuðum samt þessa nokkur hundrað metra og fundum mötuneytið. Mettuðum okkar af kjúkling og keyptum svo blöð og nammi (fyrir Margréti) og héldum til baka. Þegar við komum á fæðingarganginn þá sagði ragna að hún væri á leið á meðgöngu- og sængurganginn. Þangað var hún svo flutt með sérstökum "sjúklinga flutninga manni" (bara innan hús). Ekki er þetta heldur slæmt þarna á sængurkvenna ganginum. Þetta líktist frekar góðu hótelherbergi en spítala stofu. Með aðstöðu fyrir mig til að sofa, sjónvarp, síma á herbergi og þess háttar. Einnig eru hjúkkurnar og sjúkraliðarnir frábærir, við Margrét fengum túrin um deildina og vorum svo látin finna mat handa frúnni. Við Margrét fórum svo til baka til silkeborg hérna um kvöldmatarleitið þegar við vorum viss að búið væri að ná Rögnu nokkuð stöðugri. Við urðum jú að fara heim að huga að Bangsa sem búin var að vera einn heima nokkuð lengi. Margrét borðaði kvöldmat og svo hreinlega sloknaði á henni. Enda búin að vera langur og viðburðaríkur dagur. Við ætlum svo eftir skóla og vinnu á morgun að bruna aftur útí Skejby og heimsækja Rögnu og vona ég að guttin hafi tekið við sér og haldið sér inní kúlunni aðeins lengur i nú.

Bestu kveðjur og vonumst til að þú sendir okkur líka kveðju með að kvitta. 

Kristinn og Margrét ein í kofanum í silkeborg.